રાષ્ટ્રપિતા મહાત્મા ગાંધીજીની જન્મ જયંતીના અવસરે કલેક્ટર કચેરીના પરિસરમાં સ્વચ્છતા અભિયાન યોજાયું
Views: 47
0 
0 Anilsinh Kalusinh JadavMo. +91 94266 66648
કલેક્ટર પરિસર સાથે સમગ્ર જિલ્લામાં આવેલી મહેસૂલ તંત્રની કચેરીઓ અને તેના પ્રાંગણમાં પણ સફાઈ અભિયાન હાથ ધરાયું
દાહોદ: સમગ્ર દેશમાં તા.૦૨ ઓક્ટોબર, એટલે કે, ગાંધી જયંતિના અવસરે ‘સ્વચ્છતા હી સેવા’ ના મંત્ર થકી સ્વસ્થ અને સ્વચ્છ સમાજના નિર્માણના સંકલ્પ માટે સામૂહિક શ્રમદાન થકી સ્વચ્છતાનો સંદેશો આપવામાં આવે છે. અત્યારે રાજ્યભરમાં ‘સેવા સંકલ્પ અભિયાન’ ચાલી રહ્યું છે અને આજે રાષ્ટ્રપિતા એવા ગાંધીજીનો જન્મદિવસ પણ છે. તેવા સુભગ અવસરે જિલ્લા કલેક્ટર સુશ્રી સુરભિ ગૌતમના નેતૃત્વમાં જિલ્લા સેવા સદન, ખાતે મહેસૂલી વિભાગ દ્વારા સફાઈ અભિયાન હાથ ધરવામાં આવ્યું હતું. કલેક્ટર પરિસર સાથે સમગ્ર જિલ્લામાં આવેલી મહેસૂલ તંત્રની કચેરીઓ અને તેના પ્રાંગણમાં પણ સફાઈ અભિયાન હાથ ધરાયું હતું. કલેક્ટરશ્રીએ પરિસરમાં સફાઈ કરી હતી. સફાઈની સાથે જ તેમણે પાથ-વે અને કચેરીના પરિસરની રોડસાઈડ પર ઉગી નીકળેલી વેલ અને ઝાડી-ઝાંખરા જેવાં અડચણો દૂર કરી પરિસરને સ્વચ્છ બનાવવામાં પોતાનું યોગદાન આપ્યું હતું..આસપાસનું પરિસર સ્વચ્છ હશે તો બીમારીઓથી બચી શકાશે અને સ્વસ્થ સમાજનું નિર્માણ કરી શકાશે તેવા સંકલ્પ સાથે નિવાસી અધિક કલેક્ટર શ્રી જે.એમ.રાવલ સહિતના વહીવટીતંત્રના અધિકારીઓ-કર્મચારીઓએ પોતાના શ્રમદાન થકી સમગ્ર કલેકટર પરિસરને ચોખ્ખું બનાવ્યું હતું. નિવાસી અધિક કલેક્ટર શ્રી સહિતના કર્મચારીઓએ સમગ્ર પરિસરમાંથી પ્લાસ્ટિકની બોટલો, વેફર્સ અને અન્ય પ્લાસ્ટિકના પડિકાઓ, સૂકા પાંદડાઓ, ઊગી નીકળેલી વેલ, પૂંઠા અને કાગળો સહિતનો નક્કામો કચરો એકત્ર કર્યો હતો.આમ, સમગ્ર જિલ્લામાં ઉત્સાહપૂર્વક મહેસૂલીતંત્ર પરિષરોની સાફ-સફાઈ થકી અધિકારીઓ-કર્મચારીઓએ ‘જ્યાં સ્વચ્છતા, ત્યાં પ્રભુતા’નો સંદેશ આપ્યો હતો.
