ગરબાડા તાલુકાના ગાંગરડી-૧ માં સાંસદ જસવંતસિંહ ભાભોરના હસ્તે આંગણવાડી કેન્દ્રનું લોકાર્પણ
Views: 16
0 
0 Nilu Dodiyar / Garbada
ગરબાડા તાલુકાના ગરબાડા ઘટક-૧ હેઠળ આવતી ગાંગરડી-૧ (સરાબલી) આંગણવાડી કેન્દ્રનું આજે સાંસદ શ્રી જસવંતસિંહ ભાભોર અને ધારાસભ્ય શ્રી મહેન્દ્રભાઈ ભાભોરના હસ્તે ભવ્ય લોકાર્પણ કરવામાં આવ્યું હતું.આ પ્રસંગે પક્ષ પ્રમુખ શ્રી સ્નેહલભાઈ ધારિયા, તાલુકા પંચાયત પ્રમુખ શ્રીમતિ નીલાબેન દેહધા, જિલ્લા પંચાયત ઉપપ્રમુખ શ્રી વિજયભાઈ આમલીયાર, પ્રાંત અધિકારી શ્રી ડામોર, મામલતદાર શ્રી પુવાર, CDPO તથા સ્થાનિક સરપંચ અને અધિકારીઓ ઉપસ્થિત રહ્યા હતા.મહેમાનો દ્વારા ભૂલકાંઓને આંગળી પકડી નવીન આંગણવાડીમાં પ્રવેશ કરાવ્યો હતો તેમજ ઉત્કૃષ્ટ કામગીરી બદલ આંગણવાડી કાર્યકર બહેનોનું શાલ ઓઢાડી સન્માન કર્યું હતું. આ આધુનિક સુવિધાયુક્ત આંગણવાડી બાળકોના પૂર્વ પ્રાથમિક શિક્ષણ, પૂરક પોષણ અને સર્વાંગી વિકાસ માટે પાયાનું માધ્યમ બનશે.કાર્યક્રમમાં સરકારી અધિકારીઓ, ગામના આગેવાનો, શિક્ષકો, વાલીઓ અને બાળકો હાજર રહ્યા હતા.
